Али Даеи: Роналдо дээд амжилт эвдэнэ гэдэг миний хувьд нэр төрийн хэрэг

Европын АШТ-ий F хэсгийн сүүлчийн Португал – Францын тоглолтод Криштиано Роналдо дубль хийж, тэнцээ авчирснаар /2:2/ хэсгээсээ шалгарах боломжийг багтаа олгосноос гадна мөн олон жилийн турш Дэлхийн хөлбөмбөгт оршин тогтносон Ираны Али Даеигийн дээд амжилттай эн зэрэгцээд байна.

“Эрэгтэйчүүдийн шигшээ багийн түүхэнд шинэ дээд амжилт тогтооход ганцхан гоол үлдээд буй Криштиано Роналдод баяр хүргэе! Энэ дээд амжилтыг Роналдо эвдэнэ гэдэг миний хувьд нэр төрийн хэрэг юм. Тэр бол аугаа аварга, дэлхийн өнцөг булан бүрт аж төрж буй хүмүүсийг урам зориг, хүсэл тэмүүллийг сэргээгч хүнлэг хүн. Урагшаа!” хэмээн Али Даеи өгүүлжээ.

Р.Гэгээ