Б.МӨНХБААТАР: ЗУУНМОД СУМЫН БҮТЭЭН БАЙГУУЛАЛТЫН ЗУРАГ ТӨСВИЙГ ЭХЛҮҮЛНЭ

Барилга, хот байгуулалтын сайд Б.Мөнхбаатар-аар ахлуулсан ажлын хэсэг өнөөдөр Төв аймгийн Зуунмод суманд ажиллалаа. Зуунмод сумын хөгжлийн төлөвлөлт, 2021 оны ажлын талаар танилцуулж холбогдох албаныхантай санал солилцлоо. Энэхүү уулзалтын үеэр 2022 онд Зуунмод хотод сургууль, эмнэлэгийн өргөтгөл, Баруун Зуунмод, Баянхошуу багийн дэд бүтцэд бүрэн холбох ажлууд, мөн Зуунмод голын цэцэрлэгт хүрээлэн, Тээвэрчдийн талбай, Зуунмод хот доторхи авто болон явган зам, усан бассейн зэрэг ажлуудын зураг төсвийг хийж эхлэхээр болсон байна.