Эдийн засаг, хөгжлийн яамыг Засгийн газрын XI байр руу нүүлгэнэ

Эдийн засаг, хөгжлийн яамны үйл ажиллагаа энэ оны нэгдүгээр сараас эхэлсэн. Тус яам нь Чингэлтэй дүүрэг, Нэгдсэн Үндэстний гудамж 5/1 Засгийн газрын II байранд үйл ажиллагааг явуулж байв.

Харин өнөөдрийн Засгийн газрын хуралдаанаар Эдийн засаг, хөгжлийн яамны байршлыг Засгийн газрын XI байрны 1-6 давхарт шилжүүлж, нүүлгэн шилжүүлэх шийдвэр гарав.

Мөн нүүлгэн шилжүүлэх засвар үйлчилгээ хийх зардлыг батлагдсан төсөвтөө багтаан шийдвэрлэхийг Эдийн засаг, хөгжлийн сайд Ч.Хүрэлбаатарт даалгалаа.