Өнөөдөр болох үйл явдал

Шонхор тауэрт

11:00 цагт Ардчилсан Намын даргыг сонгох сунгаанд нэр дэвших долоон нэр дэвшигчид үнэмлэхийг нь гардуулна.

Зам тээврийн, хөгжлийн яамны 301 тоотод

11:00 цагт Зам тээврийн, хөгжлийн яамнаас 2023 оныг “Бүрэн цахимжсан, бүтээмжийг дээдэлж,хариуцлага, үр дүнг тооцох жил” болгон зарлаж байгаатай холбогдуулан мэдээлэл өгнө.

Үндэсний мэдээллийн төвд

11:00 цагт иргэдийн төлөөллөөс “Цагаан сараас өмнө “Эрдэнэс таван толгой” ХК-ийн 1,072 хувьцааны ногдол ашгаа авъя” сэдвээр хэвлэлийн хурал зохион байгуулна.

С.Зориг агсны хөшөөтэй Ардчилсан Намын байранд

11:40 цагт Монголчуудын боломжийг хулгайлсан авлигач, нүүрсний хулгайчдын улсад учруулсан хохирлын хэмжээг хэвлэлийн хурлаар зарлана.

Хэвлэлийн хүрээлэнгийн мэдээллийн төвд

12:00 цагт иргэний үзэл бодлоо илэрхийлэх эрх чөлөө, мэдэх эрхийг хуулиар хязгаарлаж буй асуудлаар Хүний эрхийн 50 гаруй ТББ-аас хэвлэлийн хурал зохион байгуулна.

Хангарди ордны 14 давхарт

13:00 цагт Улаанбаатар хотын Ерөнхий менежер нийслэлийн хориглосон бүсээс мал гаргах ажлын талаар мэдээлэл өгнө.