“Уяхан замбуу тивийн наран” урлагийн наадам наймдугаар сарын 11-12-нд болно

Дуу хуур, өв соёлын өлгий Дундговь аймгийн Их газрын чулуунд болдог уламжлалт “Уяхан замбуу тивийн наран” урлагийн наадам наймдугаар сарын 11-12-нд болно. “Уяхан замбуу тивийн наран” урлагийн наадмыг анх удаа 2019 онд говь нутгийн үзэсгэлэн бүрдсэн Их газрын чулууны уулнаа зохион байгуулж, 3000 морин хуурч, уртын дууч нэгэн дор чуулж байжээ. Энэхүү наадамд арван мянга гаруй хүн оролцож, говийн тэнгэр дор байгалийн үзэсгэлэн, урлагийн гайхамшгийг нэгэн зэрэг тольдсон юм.