Ким Сэ Рон Ким Сү Хён нарын шинэ зургийг дэлгэжээ

Жүжигчин Ким Сү Хён талийгаач Ким Сэ Рон нарыг 6 жилийн турш үерхэж байсан гэх мэдээлэл цацагдаад буй. Энэхүү мэдээллийг жүжигчин Ким Сү Хёны агентлаг эрс няцааж буй ч ахин шинэ зураг болон тэдний бичсэн зурвасыг олон нийтэд дэлгэсэн байна.

2024 оны гуравдугаар сарын 19-нд жүжигчин Ким Сэ Роны бичсэн зурваст “Ахаа, Сэ Рон байна.Та надад холбогдуулж шүүхэд хандсан гээд нэхэмжлэл ирсэн байна. Ахиад жаахан хугацаа өгчих гэж хэлсэн шүү дээ. Би эргэн ирэлтдээ бэлдээд их хичээж байгаа. Би тоглосон дүр болгоноосоо хувь өгөөд явах тохиролцоо хийж болох уу? Төлөхгүй гэж хэлээгүй шүү дээ. Шууд 700 сая вон нэхвэл угаасаа төлж чадахгүй.Шүүхэд хүртэл хандах хэрэгтэй гэж үү? Намайг авраач…гуйж байна.Жаахан хугацаа өгчих” гэж бичсэн байна.

Жүжигчин Ким Сэ Рон согтуугаар автомашин жолоодож осол гаргасны дараа иргэдэд учирсан хохирол болох 700 сая воныг жүжигчин Ким Сү Хёны агентлаг гаргаж байсан ч хоёр жилийн дараа өрөө нэхэж түүнийг шүүхэд өгчээ.