Нийгмийн даатгалын цахим үйлчилгээ өргөжиж байна

Нийгмийн даатгалын байгууллага төрийн үйлчилгээг иргэдэд түргэн шуурхай, чирэгдэлгүй, ашиг сонирхлоос ангид хүргэх зорилгын хүрээнд үйлчилгээг цахимжуулах ажлыг эрчимжүүлэн ажиллаж байна.

330 суманд нийгмийн даатгалын мэдээллийн SICOS системийг нэвтрүүлснээс гадна хөдөлмөрийн чадвар алдсаны тэтгэврийн хүсэлтийг цахимаар авч эхэлсэн. Үүнтэй холбогдуулан Нийгмийн даатгалын ерөнхий газрын дарга Б.Батжаргал орон нутагт буюу Ховд, Баянхонгор, Говь-Алтай, Баян-Өлгий, Өвөрхангай аймагт ажиллаж, анхан шатанд нийгмийн даатгалын үйлчилгээг хүргэж буй албан хаагчидтай уулзан тулгамдсан асуудлыг сонсож, тодорхой үүрэг чиглэл өглөө.

Нийгмийн даатгалын хамралтыг нэмэгдүүлэх, шимтгэлийн өр, авлагыг бууруулах, үйлчилгээг сайжруулах, цахим үйлчилгээний талаар иргэдийг мэдээллээр хангахад анхаарч ажиллахыг тэрбээр санууллаа.