АНУ-ын Нью-Йорк хотноо зохион байгуулагдаж буй “Монголын хөрөнгө оруулалтын форум 2025”-д Монгол Улсын Шадар сайд Т.Доржханд оролцож байна.
Форумд олон улсын хөрөнгө оруулагчид, банк санхүү, эрчим хүчний салбарын бизнес эрхлэгчид илүү олуулаа зорьж ирснээрээ онцлог байв.
Шадар сайд нээлтийн үгэндээ Монгол Улсын улс төр, эдийн засгийн тогтвортой байдал, хөрөнгө оруулалтын орчны шинэчлэл, уул уурхай, сэргээгдэх эрчим хүч, хөдөө аж ахуй, аялал жуулчлалын салбар дахь боломжуудыг онцлон танилцуулж, Монгол бизнес хийхэд нээлттэй, тогтвортой бодлоготой улс болсныг зарлав.
