Трамп: Путинтай уулзахдаа битгий зүүрмэглэчихээрэй!

АНУ-ын Ерөнхийлөгч Жо Байдэнд тэрбумтан Дональд Трамп  зөвлөгөө, сануулга өгчээ.

Энэ сарын 16-нд Швейцарийн Женев хотноо АНУ-ын Ерөнхийлөгч Жо Байден ОХУ-ын Ерөнхийлөгч Владимир Путин нарын уулзалт болох юм.

“Ерөнхийлөгч Путинтай хийх уулзалтад тань амжилт хүсье! Уулзалтын үеэр зүүрмэглэчихвий дээ, анхаараарай. Мөн миний мэндийг дамжуулчихаарай” хэмээн Дональд Трамп өгүүлжээ.

Байденийг Трамп байсхийгээд л удаан хөдөлгөөнтэй, унтаа гэж ёжилдог. Бүр “Нойрмог Жо” гээд хоч хүртэл өгчихсөн юм.

Жо Байден АНУ-ын төрийн тэргүүний хувиар айлчилсан анхны улс нь Их Британи болж байна. Тэрбээр “Энд их сайхан юм. Бүр харимааргүй санагдчихлаа” гэсэн үгээрээ олны инээдийг хүргээд амжсан билээ.

Р.Гэгээ