АНУ-ын Ерөнхийлөгч Ж.Байден сонгуульд дахин нэр дэвших эсэхээ шийдээгүй байна

АНУ-ын Ерөнхийлөгч Жо Байден 2024 онд болох АНУ-ын ерөнхийлөгчийн сонгуульд дахин нэр дэвших эсэхээ ирэх оны эхээр эцэслэн шийдэхээр төлөвлөж байгаагаа мэдэгджээ.

Тэрбээр "Би хувь тавиланд маш их хүндэтгэлтэй ханддаг. Дахин өрсөлдөх бодолтой байгаа ч энэ бол эцсийн дүндээ гэр бүлийн шийдвэр юм. Тэргүүн хатагтай Жилл Байден бид хоёрт Талархлын баяр (11 дүгээр сарын 24), Зул сарын баярын (12 дугаар сарын 25) хооронд долоо хоног амрах зав гарна гэж найдаж байна. Ирэх оны эхээр бид шийдвэрээ гаргана гэж бодож байна" гэжээ.