Энэ сарын 27-28-ны өдрүүдэд зохион байгуулагдах "Хүрээ цам-Даншиг наадам"-ын хөтөлбөр

Энэ удаагийн "Хүрээ цам-Даншиг наадам 2026" зургадугаар сарын 27-28-ны хооронд буюу энэ бямба, ням гарагт Хүй долоон худагт зохион байгуулагдах юм.

Даншиг наадам нь 1639 онд Монголын шашин, соёл, төрийн түүхэнд онцгой байр суурь эзлэх үйл явдал болох Өндөр гэгээн Занабазарыг Монгол түмний шашны тэргүүн, анхдугаар Богд Жэвзүндамба хутагтын ширээнд өргөмжлөн залах ёслолоос эхтэй, олон зууны түүх, уламжлалыг өвлөн ирсэн үндэсний томоохон баяр юм. Энэхүү наадам нь Монголын бурхан шашны зан үйл, урлаг, өв соёлыг хадгалан түгээсэн уламжлал төдийгүй монголчуудын оюун санааны нэгдэл, соёлын дархлааг илэрхийлсэн үнэ цэнтэй өв билээ.

Наадмын үеэр худалдаа, үйлчилгээ эрхлэх иргэн, хуулийн этгээдийн бүртгэлийг 06 сарын 23-ны өдрийн 13:00 цаг хүртэл сунгажээ. Наадмын хөтөлбөрийг хүргэж байна.