УИХ-ын гишүүн, ХНХ-ын сайд Т.Аюурсайхан гишүүний бүрэн эрх болон сайдын албан тушаалаасаа өөрийн хүсэлтээр чөлөөлөгдөх өргөдлөө өнгөрсөн хоёрдугаар сарын эхээр гаргасан билээ. Үүний дагуу УИХ-ын хаврын ээлжит чуулган нээхтэй зэрэгцэн Ерөнхий сайд захирамж гарган Т.Аюурсайханыг өөрийнх нь хүсэлтийн дагуу ХНХ-ын сайдын албан тушаалаас чөлөөлсөн.
Т.Аюурсайханы оронд ХНХ-ийн сайдын суудалд хэнийг томилох тухай асуудлыг энэ долоо хоногт албан ёсоор хэлэлцэн шийдвэрлэнэ гэдгийг ЗГХЭГ-ын дарга Д.Амарбаясгалан мэдээллээ. Тэрээр “Т.Аюурсайханыг энэ долоо хоногт сайдаас чөлөөлнө. Засгийн газрын тухай хуулиараа 14 хоногийн дотор Ерөнхий сайд дараагийн сайдыг оруулж ирдэг” гэв.
